Nám arbeiðir við at dagføra námsætlanir til føroyska skúlaverkið. Dagføringararbeiðið fevnir í sínari heild um námsætlanir í øllum lærugreinum í fólkaskúla og á gymnasialum miðnámi og í almennu lærugreinunum á yrkisnámi. Arbeitt verður í stigum, og námsætlanirnar, sum nú eru sendar til hoyringar, eru:

• Danskt 3-A
• Føroyskt sum annaðmál 1.-3. stig

Námsætlanin í donskum er til næmingar frá 3. floksstigi í fólkaskúla til A-stig á miðnámi. Námsætlanin í føroyskum sum annaðmál er til næmingar í fólkaskúlanum, sum hava annað mál enn føroyskt sum fyrstamál.

Námsætlanirnar er knýttar at støðisnámsætlanini, sum var til hoyringar á heysti í 2021.

Hoyringarsvar skulu sendast á nam@nam.fo í seinasta lagi fríggjadagin 14. apríl 2023.

Leinki til skriv um hoyringina, sum er sent viðkomandi hoyringarpørtum.

Niðanfyri er stutt framløga um námsætlanarbygnaðin.