Úrslitini frá PISA 2025 vísa eina blandaða mynd. Føroysku næmingarnir standa seg væl í náttúruvísindum og halda støðið í støddfrøði, men úrslitið í lesing er versnað.

Føroyskir næmingar fóru 19 stig aftur í lesing samanborið við 2022. Sostatt eru 42 prosent av okkara næmingum undir markinum fyri virkisført lesiføri.

– Hetta mugu vit taka í fullum álvara og fáa lesiførleikan rætta vegin, sigur Eyðun Gaard, stjóri í Námi.

Komandi árini fer Nám at leggja enn størri dent á lesing, menna nýtt undirvísingartilfar og styrkja fakliga førleikan. Samstundis er neyðugt at kanna nærri, hví lesiførleikin hjá føroyskum næmingum er viknaður.

– Vit skulu ikki gita, men vita, sigur Eyðun Gaard.

Les røðuna í fullum líki her