Kvæðamentan, kvøðing og føroyskur dansur
30.05.2024
Barna- og útbúgvingarmálaráðið hevur góðkent námsætlanina í kvæðamentan, kvøðing og føroyskum dansi, sum sostatt kemur í gildi eftir summarfrítíðina.
Nám hevur gjørt námsætlanina og tilhoyrandi leiðbeining í samstarvi við Elin Mariu Óladóttur Olsen og Jónleif Johannesen, lærarar. Námsætlanin var til hoyringar hjá skúlum og øðrum viðkomandi stovnum í vár.
Námsætlanin er knýtt at støðisnámsætlanini, sum kom í gildi 1. august 2023.
Mynd: Sláið Ring
