Talan er um hesar námsætlanir:

• Støðisnámsætlan til allar lærugreinir á øllum stigum
• Føroyskt frá 1. floksstigi til A-stig
• Danskt frá 3. floksstigi til A-stig
• Náttúra og tøkni frá 4. til 6. floksstig
• Náttúrulæra á E-, D- og C-stigi
• Sniðgeving á B-stigi
• Russiskt á B-stigi

Støðisnámsætlanin er nýggj er kemur í staðin fyri partarnar um støðisførleikar og at skipa undirvísing í núgaldandi námsætlanum. Støðisnámsætlanin verður sett í gildi fyri tær lærugreinir, sum hava námsætlanir, sum eru dagfestar 1. august 2023 ella seinni.

Fakligu námsætlanirnar verða eisini settar í gildi soleiðis, at næmingar á stigum, sum hava próvtøku, halda fram eftir núgaldandi námsætlanum. Meira kunning um hetta er í einstøku námsætlanum.

Leiðbeiningar og onnur viðkomandi skjøl eru eisini í gerð, og hesi vera tøk á heimasíðuni í seinasta lagi til skúlaársbyrjan í august 2023.

Í septembur verða verkstovur í Námi við støði í leiðbeiningunum og dagførdu námsætlanunum. Um áhugi er fyri tí, kunnu hesar verkstovur eisini verða hildnar úti á skúlunum. Meira kunning um hetta kemur í næstum.