Málið við undirvísingini er, at næmingurin dugir:

• at ogna sær fjølbroytt orðfeingi við støði í kendum samanhangum
• at kenna stavir og ljóð í málinum
• at úttala orð og setningar skilliga
• at lurta eftir og skilja høvuðsinnihaldið í tillagaðari talu ella samrøðu um gerandisevni, miðlað gjøgnum ymiskar miðlar
• at orða seg og greiða frá í lættskiltum málbúna um kend evni
• at nýta fastar orðingar og máliskur, sum koma ofta fyri í gerandismáli
• at nýta einfaldar samskiftissnildir
• at nýta sínar royndir úr móðurmálinum og øðrum málum til at menna nýggja málið
• at lesa og skilja høvuðsinnihaldið í lættskiltum tekstum, sum umboða ymisk tekstsløg
• at umseta hóskandi tekstir til týskt og úr týskum
• at nýta tvímálsligar orðalistar, orðabøkur og mállæruyvirlit
• at skriva einfaldar setningar um kend evni í lættskiltum málbúna
• í ávísan mun at brúka sína málsligu vitan aktivt á løttum týskum máli
• at kenna vanligar regluligar formar úr ymiskum orðaflokkum
• at greina einfaldar setningar
• at greiða frá um mentan og livihátt í londum og økjum, har týskt verður talað, og bera saman við føroysk viðurskifti.

Málið við undirvísingini er, at næmingurin dugir:

• at ogna sær fjølbroytt orðfeingi við støði í kendum samanhangum
• at nýta grundleggjandi ljóðreglur í málinum
• at samskifta týðiliga viðvíkjandi úttalu og setningsbygnaði
• at orða seg og greiða frá á einføldum, týðiligum máli um gerandisevni og viðgjørd evni
• at nýta fastar og siðbundnar orðingar og máliskur
• at lurta eftir og skilja høvuðsinnihald og týðandi smálutir í tillagaðari talu ella samrøðu, miðlað gjøgnum ymiskar miðlar
• at nýta ymiskar samskiftissnildir
• at nýta sínar royndir úr móðurmálinum og øðrum málum til at menna týska málið
• at lesa og skilja høvuðsinnihaldið í ymiskum sløgum av tillagaðum og ótillagaðum tekstum
• at umseta hóskandi tekstir til týskt og úr týskum
• at nýta tvímálsligar orðalistar, orðabøkur og mállæruyvirlit
• at skriva stuttar tekstir
• í ávísan mun at brúka sína vitan aktivt á einføldum og týðiligum týskum máli
• vanligar formar úr ymisku orðaflokkunum
• at greina setningar
• at vísa á innlit í mentan, søgu og samfelagsviðurskifti í londum ella økjum, har týskt verður talað, og bera saman við føroysk viðurskifti.

Málið við undirvísingini er, at næmingurin dugir:

• at lurta eftir og skilja høvuðsinnihaldið í týðiliga talaðum einfaldum týskum máli um kend evni, miðlað gjøgnum ymiskar miðlar
• at lesa og í høvuðsheitum skilja ymisk sløg av týskum tekstum á einfaldum máli
• at samskifta um kend evni á einfaldum og samanhangandi týskum, herímillum at samskifta í gerandisstøðum
• at leggja fram og greiða frá kendum evnum á einfaldum og samanhangandi týskum
• at orða seg skrivliga á einfaldum og samanhangandi týskum um kend evni
• at nýta orðabøkur og viðkomandi mállærubøkur
• at seta týskt í samband við føroyskt og onnur mál
• at skilja sosialar atferðarreglur í týskmæltum økjum
• at seta sína vitan um týskt í mentanarligan og søguligan samanhang.

Málið við undirvísingini er, at næmingurin dugir:

• at lurta eftir og skilja høvuðsinnihaldið í týðiliga talaðum einfaldum týskum máli um kend evni, miðlað gjøgnum ymiskar miðlar
• at lesa og í høvuðsheitum skilja ymisk sløg av týskum tekstum á einfaldum máli
• at samskifta um kend evni á einfaldum og samanhangandi týskum, herímillum at samskifta í gerandisstøðum
• at leggja fram og greiða frá kendum evnum á einfaldum og samanhangandi týskum
• at orða seg skrivliga á einfaldum og samanhangandi týskum um kend evni
• at nýta orðabøkur og viðkomandi mállærubøkur
• at seta týskt í samband við føroyskt og onnur mál
• at skilja sosialar atferðarreglur í týskmæltum økjum
• at seta sína vitan um týskt í mentanarligan og søguligan samanhang.

Málið við undirvísingini er, at næmingurin dugir:

• at lurta eftir og skilja høvuðsinnihaldið í týðiliga talaðum týskum máli um kend evni, miðlað gjøgnum ymiskar miðlar
• at lesa og skilja ymisk sløg av ótillagaðum týskum tekstum úr ymiskum tekstsløgum
• at taka lut í samskifti og kjaki um kend evni og greiða frá ymsum sjónarmiðum á týðiligum og nøkulunda rættum týskum
• at leggja fram og greiða frá kendum evnum á týðiligum og nøkulunda rættum týskum, herímillum um mentan, søgu og samfelagsviðurskifti í týskmæltum økjum
• at orða seg skrivliga á einfaldum og samanhangandi týskum um kend evni
• at viðgera týskar tekstir úr ymiskum tekstsløgum og seta einstaka tekstin í frásjón
• at nýta orðabøkur og viðkomandi mállærubøkur
• grundleggjandi týskar ljóðreglur, bendingar og setningsbygnað
• at seta týskt í samband við føroyskt og onnur mál og nýta millummálsligu vitanina til at menna málið
• at skilja sosialar atferðarreglur í týskmæltum økjum.

Málið við undirvísingini er, at næmingurin dugir:

• at lurta eftir og skilja høvuðsinnihaldið í týðiliga talaðum týskum máli um kend evni, miðlað gjøgnum ymiskar miðlar
• at lesa og skilja ymisk sløg av ótillagaðum týskum tekstum úr ymiskum tekstsløgum
• at taka lut í samskifti og kjaki um kend evni og greiða frá ymsum sjónarmiðum á týðiligum og nøkulunda rættum týskum
• at leggja fram og greiða frá kendum evnum á týðiligum og nøkulunda rættum týskum, herímillum um mentan, søgu og samfelagsviðurskifti í týskmæltum økjum
• at orða seg skrivliga á einfaldum og samanhangandi týskum um kend evni
• at viðgera týskar tekstir úr ymiskum tekstsløgum og seta einstaka tekstin í frásjón
• at nýta orðabøkur og viðkomandi mállærubøkur
• grundleggjandi týskar ljóðreglur, bendingar og setningsbygnað
• at seta týskt í samband við føroyskt og onnur mál og nýta millummálsligu vitanina til at menna málið
• at skilja sosialar atferðarreglur í týskmæltum økjum.

Málið við undirvísingini er, at næmingurin dugir:

• at lurta eftir og skilja talað týskt mál um kend evni, miðlað gjøgnum ymiskar miðlar
• at lesa og skilja ymisk sløg av ótillagaðum gomlum og nýggjari týskum tekstum úr ymiskum tekstsløgum
• at taka virknan lut í samskifti og kjaki og greiða frá ymsum sjónarmiðum á týðiligum, samanhangandi og fjølbroyttum týskum
• at leggja fram á týskum um kend evni og týskar tekstir, herímillum at viðgera hesar og samanbera við aðrar tekstir við breiðum orðfeingi og nøkulunda rættum týskum máli og tónalagi
• at orða seg greitt og samanhangandi á skrivligum týskum við breiðum orðfeingi og nøkulunda rættum týskum
• at nýta orðabøkur og viðkomandi mállærubøkur
• at greina og lýsa týska mállæru og setningsbygnað á føroyskum
• at seta týskt í samband við føroyskt og onnur mál og nýta millummálsligu vitanina til at menna málið
• at skilja sosialar atferðarreglur í týskmæltum økjum
• at greiða frá á týskum um týdningarmiklar, útvaldar síður av mentan, søgu og samfelagsviðurskiftum í týskmæltum økjum.

Próvtøkuháttur á 9. floksstigi

Hildin verður ein munnlig próvtøka.

Munnlig próvtøka á 9. floksstigi

Próvhoyringin varir 20 minuttir, íroknað próvdøming. Fyrireikingartíðin er 20 minuttir, íroknað útflýggjan av tilfari og leiðbeining.

Próvtøkuspurningarnir verða settir við støði í evnum og økjum, sum arbeitt hevur verið við í undirvísingini. Í fyrireikingini kann próvtakarin einans nýta orðabøkur. Undir próvhoyringini kann próvtakarin nýta próvtøkuspurningin og notur, sum hann/hon hevur gjørt í fyrireikingartíðini.

Próvtøkan er tvíbýtt:

1. Fyrri parturin av próvhoyringini er ein samrøða við støði í framløgu próvtakarans av ókendum tilfari, sum próvtakarin hevur arbeitt við í fyrireikingartíðini. Tilfarið fevnir um ókendan tekst og lurtiroynd, sum samrøtt verður um á føroyskum.

2. Seinni partur er uttan fyrireiking og fevnir um upplestur á týskum úr einum stuttum, kendum tekstbroti á umleið ¼ normalsíðu, sum próvtakarin umsetir. Síðan verður samrøtt um kenda tekstin á týskum.

Dømingargrundarlag

Í dømingini verður dentur lagdur á, í hvønn mun próvtakarin lýkur faklig mál, sum eru sett í lærugreinini. Dentur verður serliga lagdur á, at próvtakarin: 

• skilir og dugir at greiða frá ókenda tilfarinum á føroyskum
• dugir at lesa og umseta kenda tekstin
• evnar at greiða frá kenda tekstinum á týskum.

Givið verður eitt próvtal við støði í einari heildarmeting av samlaða avriki próvtakarans.

Próvtøkuháttur á 10. floksstigi

Hildin verður ein munnlig próvtøka.

Munnlig próvtøka á 10. floksstigi

Próvhoyringin varir 20 minuttir, íroknað próvdøming. Fyrireikingartíðin er 20 minuttir, íroknað útflýggjan av tilfari og leiðbeining.

Próvtøkuspurningarnir verða settir við støði í evnum og økjum, sum arbeitt hevur verið við í undirvísingini. Í fyrireikingini kann próvtakarin einans nýta orðabøkur. Undir próvhoyringini kann próvtakarin nýta próvtøkuspurningin og notur, sum hann/hon hevur gjørt í fyrireikingartíðini.

Próvtøkan er tvíbýtt:

1. Fyrri parturin av próvhoyringini er ein samrøða við støði í framløgu próvtakarans av ókendum tilfari, sum próvtakarin hevur arbeitt við í fyrireikingartíðini. Tilfarið fevnir um ókendan tekst og lurtiroynd, sum samrøtt verður um á føroyskum.

2. Seinni partur er uttan fyrireiking og fevnir um upplestur á týskum úr einum stuttum, kendum tekstbroti á umleið ⅓ normalsíðu, sum próvtakarin umsetir. Síðan verður samrøtt um kenda tekstin á týskum.

Dømingargrundarlag

Í dømingini verður dentur lagdur á, í hvønn mun próvtakarin lýkur faklig mál, sum eru sett í lærugreinini. Dentur verður serliga lagdur á, at próvtakarin: 

• skilir og dugir at greiða frá ókenda tilfarinum á føroyskum
• dugir at lesa og umseta kenda tekstin
• evnar at greiða frá kenda tekstinum á týskum.

Givið verður eitt próvtal við støði í einari heildarmeting av samlaða avriki próvtakarans.

Próvtøkuháttur á C-stigi - framhaldsmál

Hildin verður ein munnlig framløga.

Munnlig próvtøka á C-stigi - framhaldsmál

Próvhoyringin varir 20 minuttir, íroknað próvdøming. Fyrireikingartíðin er 40 minuttir, íroknað útflýggjan av tilfari og leiðbeining.

Próvhoyrt verður í ókendum tilfari, og tilfarið skal vera valt soleiðis, at tað í tema ella á annan hátt er knýtt at evnum, sum arbeitt hevur verið við í undirvísingini. Orðafrágreiðingar kunnu vera til serliga trupul orð. Próvtøkuspurningurin skal byrja við stuttari leiðbeining á týskum um, hvussu próvtakarin skal arbeiða við tilfarinum.

Munnliga próvtøkan er tvíbýtt:

1. Við støði í einum ókendum teksti á umleið ½ normalsíðu skal næmingurin lesa eitt brot upp á týskum. Brotið skal fevna um umleið 50 orð. Próvhoyrarin setir hereftir spurningar á føroyskum til málslig og/ella innihaldslig viðurskifti, ið skulu lýsa próvtakarans fatan av teksti og málbygnaði.

2. Síðani er ein samrøða á týskum millum próvtakara og próvhoyrara um útflýggjaða tekstin, sum eisini verður settur í samband við viðgjørd evni. Próvtakarin innleiðir samrøðuna við eini stuttari framløgu á týskum um tekstin og evnið. Mynd kann vera partur av tilfarinum.

Allir hjálparmiðlar eru loyvdir, tó ikki umsetingarforrit, sum kunnu umseta heilar setningar úr einum máli í annað. Loyvt er heldur ikki at nýta vitlíki.

Ein normalsíða er 2400 tekn íroknað, millumrúm.

Sami próvtøkuspurningur kann í mesta lagi verða nýttur tvær ferðir í sama flokki/bólki.

Dømingargrundarlag

Í dømingini verður dentur lagdur á, í hvønn mun próvtakarin lýkur faklig mál, sum eru sett í lærugreinini. Próvtakarin skal við støði í fakligari tilgongd sýna evni til sjálvstøðugt á týskum at leggja fram og viðgera tilfar við støði í einum próvtøkuspurningi. Próvtakarin skal vísa, at hann/hon dugir at taka fram týðandi tættir í tilfarinum og seta teir í samband við tættir í undirvísingini. Evnini at samskifta á týskum verða vektað hægst. Samanhangandi málburður á týskum er meira umráðandi enn lýtaloysi í smálutum.

Givið verður eitt próvtal við støði í einari heildarmeting av samlaða avriki próvtakarans.

Próvtøkuháttur á B-stigi – byrjanarmál

Hildin verður ein munnlig próvtøka.

Munnlig próvtøka á B-stigi – byrjanarmál

Próvhoyringin varir 30 minuttir, íroknað próvdøming. Fyrireikingartíðin er 60 minuttir, íroknað útflýggjan av tilfari og leiðbeining.

Próvhoyrt verður í ókendum tilfari, og tilfarið skal vera valt soleiðis, at tað í tema ella á annan hátt er knýtt at evnum, sum arbeitt hevur verið við í undirvísingini. Orðafrágreiðingar kunnu vera til serliga trupul orð. Próvtøkuspurningurin skal byrja við stuttari leiðbeining á týskum um, hvussu próvtakarin skal arbeiða við tilfarinum.

Munnliga próvtøkan er tvíbýtt:

1. Við støði í einum ókendum teksti á umleið ½-1 normalsíðu skal næmingurin lesa eitt brot upp á týskum. Brotið skal fevna um umleið 70 orð. Próvhoyrarin setir hereftir spurningar á føroyskum til málslig og/ella innihaldslig viðurskifti, ið skulu lýsa próvtakarans fatan av teksti og málbygnaði.

2. Síðani er ein samrøða á týskum millum próvtakara og próvhoyrara um útflýggjaða tekstin, sum eisini verður settur í samband við viðgjørd evni. Próvtakarin innleiðir samrøðuna við eini stuttari framløgu á týskum um tekstin og evnið. Mynd kann vera partur av tilfarinum.

Allir hjálparmiðlar eru loyvdir, tó ikki umsetingarforrit, sum kunnu umseta heilar setningar úr einum máli í annað. Loyvt er heldur ikki at nýta vitlíki.

Ein normalsíða er 2400 tekn, íroknað millumrúm.

Sami próvtøkuspurningur kann í mesta lagi verða nýttur tvær ferðir í sama flokki/bólki.

Dømingargrundarlag

Í dømingini verður dentur lagdur á, í hvønn mun próvtakarin lýkur faklig mál, sum eru sett í lærugreinini. Próvtakarin skal við støði í fakligari tilgongd sýna evni til sjálvstøðugt á týskum at leggja fram og viðgera tilfar við støði í einum próvtøkuspurningi. Próvtakarin skal vísa, at hann/hon dugir at taka fram týðandi tættir í tilfarinum og seta teir í samband við tættir í undirvísingini. Evnini at samskifta á týskum verða vektað hægst. Samanhangandi málburður á týskum er meira umráðandi enn lýtaloysi í smálutum.

Givið verður eitt próvtal við støði í einari heildarmeting av samlaða avriki próvtakarans.

Próvtøkuháttur á B-stigi – framhaldsmál

Hildin verður ein munnlig próvtøka.

Munnlig próvtøka á B-stigi – framhaldsmál

Próvhoyringin varir 30 minuttir, íroknað próvdøming. Fyrireikingartíðin er 60 minuttir, íroknað útflýggjan av tilfari og leiðbeining.

Próvhoyrt verður í ókendum tilfari, og tilfarið skal vera valt soleiðis, at tað í tema ella á annan hátt er knýtt at evnum, sum arbeitt hevur verið við í undirvísingini. Orðafrágreiðingar kunnu vera til serliga trupul orð. Próvtøkuspurningurin skal byrja við stuttari leiðbeining á týskum um, hvussu próvtakarin skal arbeiða við tilfarinum.

Munnliga próvtøkan er tvíbýtt:

1. Við støði í einum ókendum teksti á umleið 1-1½  normalsíðu skal næmingurin lesa eitt brot upp á týskum. Brotið skal fevna um umleið 70 orð. Próvhoyrarin setir hereftir spurningar á føroyskum til málslig og/ella innihaldslig viðurskifti, ið skulu lýsa próvtakarans fatan av teksti og málbygnaði.

2. Síðani er ein samrøða á týskum millum próvtakara og próvhoyrara um útflýggjaða tekstin, sum eisini verður settur í samband við viðgjørd evni. Próvtakarin innleiðir samrøðuna við eini stuttari framløgu á týskum um tekstin og evnið. Mynd kann vera partur av tilfarinum.

Allir hjálparmiðlar eru loyvdir, tó ikki umsetingarforrit, sum kunnu umseta heilar setningar úr einum máli í annað. Loyvt er heldur ikki at nýta vitlíki.

Ein normalsíða er 2400 tekn íroknað, millumrúm.

Sami próvtøkuspurningur kann í mesta lagi verða nýttur tvær ferðir í sama flokki/bólki.

Dømingargrundarlag

Í dømingini verður dentur lagdur á, í hvønn mun próvtakarin lýkur faklig mál, sum eru sett í lærugreinini. Próvtakarin skal við støði í fakligari tilgongd sýna evni til sjálvstøðugt á týskum at leggja fram og viðgera tilfar við støði í einum próvtøkuspurningi. Próvtakarin skal vísa, at hann/hon dugir at taka fram týðandi tættir í tilfarinum og seta teir í samband við tættir í undirvísingini. Evnini at samskifta á týskum verða vektað hægst. Samanhangandi málburður á týskum er meira umráðandi enn lýtaloysi í smálutum.

Givið verður eitt próvtal við støði í einari heildarmeting av samlaða avriki próvtakarans.

Próvtøkuhættir á A-stigi – byrjanarmál

Hildnar verða ein skrivlig og ein munnlig próvtøka.

Skrivlig próvtøka á A-stigi – byrjanarmál

Skrivliga próvtøkan varir 4 tímar, og uppgávurnar í próvtøkuraðnum verða settar innan fyri kjarnaøkini í lærugreinini.

Próvtakarin skal við støði í einum ella fleiri týskum tekstum svara 5 uppgávum. Herímillum skal próvtakarin skrivliga á týskum máli viðgera týskan tekst og svara uppgávum um mál og innihald í teksti. Allir hjálparmiðlar eru loyvdir, tó ikki umsetingarforrit, sum kunnu umseta heilar setningar úr einum máli í annað. Loyvt er heldur ikki at nýta vitlíki.

Dømingargrundarlag

Í dømingini verður dentur lagdur á, í hvønn mun próvtakarin lýkur fakligu málini, sum eru sett í lærugreinini. Dentur verður lagdur á, at próvtakarin dugir at taka týdningarmestu tættirnar burtur úr tekstatilfarinum, at orða seg skrivliga á týskum og at skipa og leggja fram eitt innihald. Próvtakarin skal harumframt vera stinnur í formlæru og orðalagslæru og hava tamarhald á almennum orðatilfari og merkingarlæru.

Givið verður eitt próvtal við støði í einari heildarmeting av samlaða avriki próvtakarans.

Munnlig próvtøka á A-stigi – byrjanarmál

Próvhoyringin varir 30 minuttir, íroknað próvdøming. Fyrireikingartíðin er 60 minuttir, íroknað útflýggjan av tilfari og leiðbeining.

Próvhoyrt verður í ókendum tilfari, og tilfarið skal vera valt soleiðis, at tað í tema ella á annan hátt er knýtt at evnum, sum arbeitt hevur verið við í undirvísingini. Orðafrágreiðingar kunnu vera til serliga trupul orð. Próvtøkuspurningurin skal byrja við stuttari leiðbeining á týskum um, hvussu próvtakarin skal arbeiða við tilfarinum.

Munnliga próvtøkan er tvíbýtt:

1. Við støði í einum ókendum teksti á umleið 1-1½  normalsíðu skal næmingurin lesa eitt brot upp á týskum. Brotið skal fevna um umleið 70 orð. Próvhoyrarin setir hereftir spurningar á føroyskum til málslig og/ella innihaldslig viðurskifti, ið skulu lýsa próvtakarans fatan av teksti og málbygnaði.

2. Síðani er ein samrøða á týskum millum próvtakara og próvhoyrara um útflýggjaða tekstin, sum eisini verður settur í samband við viðgjørd evni. Próvtakarin innleiðir samrøðuna við eini stuttari framløgu á týskum um tekstin og evnið. Mynd kann vera partur av tilfarinum.

Allir hjálparmiðlar eru loyvdir, tó ikki umsetingarforrit, sum kunnu umseta heilar setningar úr einum máli í annað. Loyvt er heldur ikki at nýta vitlíki.

Ein normalsíða er 2400 tekn íroknað, millumrúm.

Sami próvtøkuspurningur kann í mesta lagi verða nýttur tvær ferðir í sama flokki/bólki.

Dømingargrundarlag

Í dømingini verður dentur lagdur á, í hvønn mun próvtakarin lýkur faklig mál, sum eru sett í lærugreinini. Próvtakarin skal við støði í fakligari tilgongd sýna evni til sjálvstøðugt á týskum at leggja fram og viðgera tilfar við støði í einum próvtøkuspurningi. Próvtakarin skal vísa, at hann/hon dugir at taka fram týðandi tættir í tilfarinum og seta teir í samband við tættir í undirvísingini. Evnini at samskifta á týskum verða vektað hægst. Samanhangandi málburður á týskum er meira umráðandi enn lýtaloysi í smálutum.

Givið verður eitt próvtal við støði í einari heildarmeting av samlaða avriki próvtakarans.

Próvtøkuhættir á A-stigi – framhaldsmál

Hildnar verða ein skrivlig og ein munnlig próvtøka. 

Skrivlig próvtøka á A-stigi – framhaldsmál

Skrivliga próvtøkan varir 5 tímar, og uppgávurnar í próvtøkuraðnum verða settar innan fyri kjarnaøkini í lærugreinini.

Próvtakarin skal við støði í einum ella fleiri týskum tekstum svara 5 uppgávum. Herímillum skal próvtakarin skrivliga á týskum máli viðgera týskan tekst og svara uppgávum um mál og innihald í teksti. Allir hjálparmiðlar eru loyvdir, tó ikki umsetingarforrit, sum kunnu umseta heilar setningar úr einum máli í annað. Loyvt er heldur ikki at nýta vitlíki.

Dømingargrundarlag

Í dømingini verður dentur lagdur á, í hvønn mun próvtakarin lýkur fakligu málini, sum eru sett í lærugreinini. Dentur verður lagdur á, at próvtakarin dugir at taka týdningarmestu tættirnar burtur úr tekstatilfarinum, at orða seg skrivliga á týskum og at skipa og leggja fram eitt innihald. Próvtakarin skal harumframt vera stinnur í formlæru og orðalagslæru og hava tamarhald á almennum orðatilfari og merkingarlæru.

Givið verður eitt próvtal við støði í einari heildarmeting av samlaða avriki próvtakarans.

Munnlig próvtøka á A-stigi – framhaldsmál

Próvhoyringin varir 30 minuttir, íroknað próvdøming. Fyrireikingartíðin er 60 minuttir, íroknað útflýggjan av tilfari og leiðbeining.

Próvhoyrt verður í ókendum tilfari, og tilfarið skal vera valt soleiðis, at tað í tema ella á annan hátt er knýtt at evnum, sum arbeitt hevur verið við í undirvísingini. Orðafrágreiðingar kunnu vera til serliga trupul orð. Próvtøkuspurningurin skal byrja við stuttari leiðbeining á týskum um, hvussu próvtakarin skal arbeiða við tilfarinum.

Munnliga próvtøkan er tvíbýtt:

1. Við støði í einum ókendum teksti á umleið 1½-2  normalsíður skal næmingurin lesa eitt brot upp á týskum. Brotið skal fevna um umleið 70 orð. Próvhoyrarin setir hereftir spurningar á føroyskum til málslig og/ella innihaldslig viðurskifti, ið skulu lýsa próvtakarans fatan av teksti og málbygnaði.

2. Síðani er ein samrøða á týskum millum próvtakara og próvhoyrara um útflýggjaða tekstin, sum eisini verður settur í samband við viðgjørd evni. Próvtakarin innleiðir samrøðuna við eini stuttari framløgu á týskum um tekstin og evnið. Mynd kann vera partur av tilfarinum.

Allir hjálparmiðlar eru loyvdir, tó ikki umsetingarforrit, sum kunnu umseta heilar setningar úr einum máli í annað. Loyvt er heldur ikki at nýta vitlíki.

Ein normalsíða er 2400 tekn íroknað, millumrúm.

Sami próvtøkuspurningur kann í mesta lagi verða nýttur tvær ferðir í sama flokki/bólki.

Dømingargrundarlag

Í dømingini verður dentur lagdur á, í hvønn mun próvtakarin lýkur faklig mál, sum eru sett í lærugreinini. Próvtakarin skal við støði í fakligari tilgongd sýna evni til sjálvstøðugt á týskum at leggja fram og viðgera tilfar við støði í einum próvtøkuspurningi. Próvtakarin skal vísa, at hann/hon dugir at taka fram týðandi tættir í tilfarinum og seta teir í samband við tættir í undirvísingini. Evnini at samskifta á týskum verða vektað hægst. Samanhangandi málburður á týskum er meira umráðandi enn lýtaloysi í smálutum.

Givið verður eitt próvtal við støði í einari heildarmeting av samlaða avriki próvtakarans.