Námsætlanirnar og stevnumiðini til dagstovnar, fólkaskúla og miðnám eru hugsað sum ein samanhangandi ætlan fyri persónligu menningina hjá føroyskum børnum og ungum. 

Námsfrøðiligu stevnumiðini til dagstovnaøkið byggja á eina heildarfatan av barninum, har umsorgan, spæl og læra eru týdningarmiklir tættir.

Námsætlanirnar til fólkaskúla og miðnám byggja á fakligar førleikar og á støðisførleikar, sum eru at virða, at samskifta, at kanna og at skapa. Fakligu førleikarnir eru orðaðir fyri hvørja lærugrein sær og byggja á ein samanhangandi stigvøkstur frá lægsta til hægsta stig.